Männerglocke

Geweiht Herz Jesu, Joseph

Innschrift: Herz Jesu, du unser Leben und unsere Auferstehung

Pate: Herr Graf Ferdinand Abendsberg-Traun

Ehrenpatenscharf: Marktgemeinde Groß Gerungs

Nachhall: 75 sek

Gegossen von der Glockengießerei Josef Pfundner 1948, sie hat 1217kg und ist in EsDur gestimmt.

Frauenglocke

Geweiht: Maria (Himmelfahrt)

Patin: Frau Maria Fichtinger Groß Gerungs

Ehrenpatenschaft: Gemeinden Heinreichs und Hypolz

Nachhall: 54 sek

Gegossen von der Glockengießerei Josef Pfundner 1948, sie hat 516kg und ist in G gestimmt.

Mädchenglocke

Geweiht: St. Margaretta (Kirchenpatronin)

Patin: Fräulein Maria Wirth

Ehrenpatenschaft: Gemeinde Oberrosenauerwald

Nachhall: 55 sek

Gegossen von der Glockengießerei Josef Pfundner 1948, sie hat 331kg und ist in B gestimmt.

Burschenglocke

Geweiht: Hl. Florian

Pate: Herr Leopold Lechner Kl. Reinprechts

Ehrenpatenschaft: Gemeinde Kl. Wetzles

Gegossen von der Glockengießerei Josef Pfundner 1948, sie hat 223kg und ist in C gestimmt.

Die Glocken 1 – 4 sind auf die Melodie SALVE REGINA gestimmt. Und wurden von Propst Stephan Biedermann von Eisgarn am 25.04.1948 geweiht

Sterbeglocke

Die Inschrift lautet:

Simon Selner in Khrembs gos mich 1639

Die Glocken

Am Sonntag 25.04.1948 wurden 4 neue Glocken von Propst Stephan Biedermann aus Eisgarn eingeweiht.

Die Glocken wurden von Josef Pfundner, Wien im Jahr 1948 gegossen.

Sprechchor: Verfasst von Frau Gusti Binder-Zisch, Aigen

Der Germser Kirchaturm

Seit acht Joahrhundert steh i scho

in Germs als Kirchaturm.

Hob viel derlebt und hob viel gsehan:

Freud, Load, Kriag, Brand und Sturm.

Weithi´ hobn d´Glockn klunga oft,

wann Frieden woar in Land.

Da Kriag hot unser G´läut zerschlogn,

mit seiner Totenhand.

Und woarn dö Zeiten bitterschwa´,

so woar i trauri g´stimmt.

Hob g´schaut und g´woat oft lange Johr,

ob nit der Frieden kimmt….

Is´s wirkli wieder Frieden worden?

I trau mein´ Augnan kam –

Vier neue Glockna siach i steh´!

Kemmts her, sogts enkre Nam!

St. Florian Glocke:

D´kloane Glockn, d´Burschnglockn,

wölln ma Dir, Sankt Florian weihn!

Loss dafür bei Blitz und Feua

deinen Schutz uns angedeihn!

Hilf uns, Hab und Guat darettn,

wann in Flammen steht des Haus;

Lösch` in jedn Menschnherzen

Neid und Hass und Missgunst aus.

Stärk` in uns den Christenglauben,

gib uns Kraft und mach uns Muat;

bitt´ für olle oarmen Seelna,

dö es Fegfei´ brenna tuat!

St. Margaretha Glocke:

Unsrer Kirchenschutzpatronin

wolln ma aa a Glockn weihn!

Schützerin der Mädchenglockn

soll Sankt Margaretha sein!

Peinigt, g´martert is sie worden –

rein und standhaft trotzdem bliebn,

und in Teufel, der s´versuacht hätt´,

hot s´ mi´ n heilign Kreuz vertriebn.

Untern Schwert hot sie dann endli

lassn müassn ´s junge Lebn;

Heiligkeit und Märthrkrone,

hot als Lohn der Herr ihr gebn.

Steh uns, Sankt Margaretha bei einst

mit dem letzten Sakrament;

bitt´ für uns in Himmel drobmat

um a glückligs Lebensend!

Sankt Marienglocke

Wer bittad nit: „Mariahilf!“ –

Am öftern wohl die Frau´n,

wann s´ loadverzogt, mit nasse Augn,

zur Muttergottes Schaun.

„Gegrüßet seist, o Himmelsfrau,

mit Dein´ hochheilign Kind!“

So läut´ d´Marienglockn laut

und gibt ihr Stimm´ in Wind.

Der nimmt in Gruaß und nimmt´s Gebet

und trogt´s auf seine Flügln

weit aussi über´s Hoamatland,

bis zu d´Sodatenhügln.

Er woaß jo´s Grob, wo´s Kind, der Mann

in fremder Erden schloft,

und bringt viel tausend Hoamatwünsch

bis in die G´fangenschoft.

„Maria hilf!“ So bitt´ ma oll,“

„Gib Toten d` ewi´ Ruah,

und führ aa d´ oarmen G´fangenen

der Freiheit endli´ zua!“

Herz-Jesu und St. Josefsglocke

D´größte Glockn, d´Mannerglockn,

kriagt in schön´ Herz-Jesu-Nam

und der Nährvater Sankt Josef

is a zweita Schutzpatron.

Allzeit hot er d´schware Orbat

gern für sei´ Famili tan,

allzeit hot er bet´ und g´hobelt,

g´werkt ums Brot als Zimmermann.

Segn´a unser schwere Orbat,

segn´ uns d´Freud und aa in Schmerz;

heiligstes Herz Jesu schenk uns

aa a Platzerl in dein´ Herz!

Alle vier Glocken gemeinsam

Voll Freuden künd´ ma mitanand`

van heilign Kind d´Geburt,

san trauri in der Fostenzeit

und floign dö Kortag´furt.

A Ratschn tuat enk nochand mahn´:

a büast´s für enkre Sünd,

dass s nach der Erdenwanderschaft

ins Himmireich toats finden!

In Ölbergweg, in Kreuzweggang,

den müast´ s geduldi geh´-

no´n bittaschwarn Korfreidatod

kimmts´s liachte Aufersteh´!

Ban Umgang läut´ ma lang und hell –

der Herr geht jo durch d´Gassn!

Zu Pfingsten bitt´ ma ´n Heiligen Geist,

er soll uns nia verlassn!

Voll Schmerz is unsa Glockenfeel´

und´s läuten klingt wia Woan´,

mir klogn, wann d´Kina, d´Eltern, d´Freund,

eah´ Liabst´s begroben toan. –

Weil va da Wiagn bis hin zan Grob

mir olls mit enk gerntrogn,

so bitt ma enk mit lauter Stimm´:

Lebts so, wia´s mir enk sogn!

Der Germser Kirchaturm

So hätt´ i wieder holt mei Gläut´:

„Maria hof und bitt´,

Sankt Florian und Sankt Margareth´,

verlassts uns Sünda nit!

Herz Jesu, sei uns gnädig durch

die heiligsten fünf Wunden;

Sankt Josef steh´ uns trostreich bei

in unsren letzten Stunden!“

Und olle Heiign ruaf ma an

In unsrer hoartn Zeit:

Zan Leben brauch´ ma s`, zan Sterbn brauch´ma s´

Und in der Ewigkeit!

Glockenläuten